By admin
Për mjekun e njohur infeksionist, Pëllumb Pipero, në muajt e ardhshëm pritet që të kemi numra të shtuar të personave të infektuar me koronavirus gjatë gushtit por edhe në dimër gjithashtu Ai deklaron se jo vetëm qytetarët, por edhe sistemi shëndetësor duhet të mësohet të bashkëjetojë me virusin.
Situata nuk është aspak e mirë, është serioze, për t’u shqetësuar por në asnjë mënyrë nuk mund të themi që është jashtë kontrollit. Po të ishte jashtë kontrollit, nuk do të kishte gjurmim, testim, izolim, shtrime në spital…
Por gjithsesi do të thosha që rastet e shtruara në spital janë serioze dhe duhet të na bëjnë të mendojnë për përgjegjësitë e gjithsecilit. Virusi është ende midis nesh ai qarkullon akoma. Në këtë situatë, duke qenë se e konsiderojmë veten të gjithë së bashku, të gjithë në një varkë, duhet të ruhemi maksimalisht duke mbrojtur edhe të tjerët.
