By admin
Dy prej infermiereve dhe një kasap kanë rezultuar pozitiv me COVID në qytetin e Beratit.
Njëra prej infermiereve të infektuara punonte në Maternitetin e Beratit dhe kjo ka bërë që Inspektorati i Higjienës të dezinfektojë dhe të mbyllë godinën e shërbimit gjinekologjik që ndodhet brenda territorit të Spitalit Rajonal.
Koronavirusi tashme është rikthyer sërish në Qendrat Shëndetësore brenda në qytetin e Beratit, ku një infermiere 42-vjeçe ka rezultuar pozitive, gjë që ka sjellë edhe mbylljen e kësaj qendre.
Dy infermieret e infektuara kishin shfaqur prej disa ditësh shenja të sëmundjes si: temperaturë dhe këputje trupore por pavarësisht shenjave të infektimit ato kanë vijuar punën deri në kryerjen e tamponit. Mjekët epidemiologë në Berat janë duke kryer hetimin epidemiologjik të rasteve të kontaktit të dy infermiereve të infektuara me koronavirus,të cilët do ti nënshtrohen tamponit për ekzaminim.
Rasti i tretë i konfirmuar pozitiv është një kasap, që ka shërbyer si i tillë në një nga lagjet e qytetit deri në momentin kur ka rezultuar i prekur me koronavirus. Ky fakt ka shqetësuar mjaft banorët e Beratit,të cilët duke mos ditur vendndodhjen e dyqanit të mishit ku shërbente kasapi janë në panik.
