Një ngjarje tepër e rëndë ka ndodhur ditën e sotme në Fier, ku një grua ka gjetur vdekjen tragjikisht.

Rreth orës 11:50 të kësaj të shtune, në lagjen “29 Nëntori” Fier, dyshohet se ka rënë nga kati i dytë i pallatit një grua.

Roza Deliu, 50 vjeçe, si pasojë e dëmtimeve të marra prej rënies nga lartësia, ka gjetur vdekjen.

Grupi hetimor po punon për zbardhjen e plotë të ngjarjes.

Paraprakisht dyshohet për rrëzim aksidental, pasi gruaja ka qenë duke larë dritaret.